«Nur-Er» ат спорты туристік орталығы

Орал қаласы, Зачаганск ауылы, Жәңгір хан көшесі, 69Б мекенжайында 2022 жылдың қыркүйек айында ашылды.

«Нұр-Ер» қаланың күйбең тірлігінен демалып, табиғатты тамашалайтын, көлді тамашалайтын, манежде және табиғат аясында атқа мініп, алтыбақан теуіп, салқын киіз үйде шәй ішетін жер.

Орталықта оқыту бөлмесі, әкімшілік кабинеті, жуынатын бөлмелері бар. Ерлер мен әйелдерге арналған киім ауыстыратын бөлмелер, 50 орынға арналған дәмхана, 20х50 метрлік жылытылатын жабық манеж бар. 50 жылқы тұрақтайтын ат қора да бар. Сонымен қатар 20- да 60 метрді құрайтын жазғы манеж де қарастырылған.

Орталықтың негізгі мақсаты – ат спорты дәстүрлерін, ұлттық ат спортын (көкпар, аударыспақ, теңге алу, садақ ату) жаңғырту және насихаттау, ат спортын дамыту, балалар мен жастарды жылқымен араласуға, атқа мінуге баулу, түрлі ат спортымен таныстыру.

Орталықта мерзімді түрде қалалық және облыстық деңгейдегі ұлттық ат спорты түрлерінен іс-шаралар, жарыстар өткізіліп тұрады

«Нұр-Ерде» ұлттық ат спорты бойынша 10-16 жас аралығындағы балаларға арналған спорт секциясы ашылды, бүгінде секцияға 60-қа жуық бала тартылған, жаттығу тегін, сабақтарды «ОРАЛ» спорт клубының білікті жаттықтырушылары өткізуде.