С.М. Киров атындағы қалалық мәдениет және демалыс паркі

Шырайлы жасыл шаһарымыздың көркіне көрік қосатын ғажап орындардың бірі – Орал қалалық мәдениет және демалыс саябағы екендігі сөзсіз.

Бұл парк 1840 жылы әскери бақ ретінде ашылған десе-ді. Содан соң 1917 жылы қазыналық баққа айналған. Ал 1935 жылы аталмыш паркке С.Киров атындағы қалалық мәдениет және демалыс паркі деп атау берген екен. Бүгінгі таңда Орал қалалық мәдениет және демалыс саябағы деп аталады.

Жалпақ жұртшылықтың саф таза ауамен демалып, серуендеп келетін орны – Орал қалалық мәдениет және демалыс саябағының көркіне көз тоймайтыны рас. Өйткені, жайқалып өскен жасыл желек, ағып жатқан Шаған өзені, атаулы өзен арқылы өтетін көпір, алуан түске боялатын субұрқақ, балаларға арналған ойын алаңдары, аттракциондар, ертегілер тақырыбына арналған түрлі композициялар, сауда-саттық орындары, велосипед жолдары көпшілікті қайран қалдырады. Саябақтың өн бойына серуен жолы төселіп, орындықтар орнатылған.

Шаған өзенінің оң жоғалуынан орын тепкен спорт алаңына барып, спортпен шұғылдана алады. Айта кетейік, бұл жерде алдағы уақытта да спорттық ойынның түрлеріне арналған алаңдардың құрылысы жалғасын таппақ.

Көздің жауын алатын саябақ тұрғындардың игілігіне айналды. Сәні жарасқан көрікті саябағымызға сырттан келген меймандар да әдемі жерді тамсана айтып жүргені әмбеге аян.

Мекен-жайы: Орал қ, Рыскулбекова, 1/4

Телефон: +7 (711) 225-78-25